Ләбиб Лерон
12.04.2022

Өр-яңа шигырь! Былтыр язылган булуына карамастан…

Мин – орлык

Бу дөнья гел тетрәнүдән тора –
Сынаулардан тора кешелек:
Бәндәләрне кырып китә бер чир,
Икенчесе килә ишелеп!

Бу дөнья гел тетрәнүдән тора –
Күпме сынау килә кешегә…
Чишмә корый, елга-сулар кибә,
Таулар булып таулар ишелә.

Кешелек гел сынаулардан тора:
Сугыш, зәхмәт, бәла-казалар…
Берәүләргә байлык биреп сыный,
Берәүләргә бирә – җәзалар.

Минем халкым күпме кайгы кичкән –
Тарих аны мәңге онытмый…
…Ишелергә торган тау – мин түгел,
Тишелергә торган орлык мин!

11 декабрь, 2021 ел

Интересное
Азалия Зиннәт

19.09.2022

Сания Әхмәтҗанова
ИлСаф