Руслан Шәрәфетдинов
09.08.2022

Любимый Татарстан – Белая мечеть в Болгарах

Интересное
Рәмис Аймәт

30.03.2022

ЯЛГЫЗ СКРИПКАЧЫ

Урам чаты.
Кич.
Ялгыз скрипкачы.
И елата ятим скрипкасын.
Җан асрарга бераз “таммасмы” дип,
Җиргә салган иске кепкасын.

Скрипканың да, көйсез дөнья кебек,
Көйсезләнеп беткән кыллары.
Үзенең дә җан кыллары – өзек,
Хәрәкәтләнә тик куллары.

Ул Җан бәлки күптән өмет өзеп,
Ташлангандыр текә кыядан.
Юк, еламый кыллар, алар бары
Шыңшый-шыңшый көлә дөньядан.

…Карашлары югалалар китеп,
Әллә кая – төпсез упкынга.
Кемне – упкын йота, ә кемнәрдер
Эләгәләр тозак-капкынга.

Упкыннарга китеп убылмады,
Онытылмады инде кем генә?!
Күпме аһәңсазлар, каләмдарлар
Төшмәделәр тормыш төбенә?!.

Кепкасына сыңар тиен “тамса”,
Гамьсез уйларын ул тугарып,
Моңын җуйган дөнья төпкеленнән
Карашларын ала кубарып.

Көе белән нәүмиз күңелләрдә
Уята “Татарстан таңнары”н,
“Казан кичләре”н ул шыңшыта да,
“Катюша”га күчә аннары.

Катюшалар…
Утлы яңгырларын
Койган чакта дошман өстенә
Хәерчелек таңы атар диеп,
Уйламаганнардыр һич кенә.

Ялган хисләр, ялган төсләр – бар да
Үткәннәрдән “якты” истәлек.
Яңа байлар үрчи барган саен,
Яңа хәерчеләр
тора өстәлеп.

Көзге җилләр генә түгел, хәзер
Язгысы да аның, һай, ачы.
Тынны буа тынчу, үле һава.
Урам чаты.
Кич.
Ялгыз скрипкачы…

РәМиС АйМәТ

Радик Сабиров

11.04.2022

Гөлназ Миньязова

29.03.2022

Рәхмәт Синле елларга…

Мин китәргә теләмим синнән
Күзәнәкләргә телсәң дә йөрәкне.
Син барлыкны тоеп яшимен
Өметләнәм, кем белсен киләчәкне.

Үткәннәр белән янам хаман
Булып узса да мең төрле вакыйга.
Алдагын никтер күзалламыйм
Шундый рәхәт яшәү СИНЛЕ тормышта.

Рәхәт синнән хәбәр алуы
Булса да эчтәлеге төрле-төрле.
Бүгенге эшләрем түгел һич
Хатирәләр бары бизи гомремне.

Һәм бу шулай булып калыр да
Барсак та без төрле сукмактан алга.
Инде онытыштык дигәндә
Балалар очраштырыр шул, бер юлда.

Онытырга тырыштым кат – кат
Йөрәгем ишеген ачтым башкага…
Сиңа булган хисем көчлерәк…
Рәхмәт синең белән узган елларга.

—–
Менә беренче шигыре шушы. Әле тагын бар. Алга таба таныштырырмын.

2004 ел, июнь
Бу фото минем өчен бик кадерле, 3 атналык көмәнем бар . Яңа гына әни булачагымны белгәч төшкән фото.
8 ай 1 атнадан Сәет туды❤❤